Beşdaranê Konferansê Tewir û Yewîye yê Kurdan ê Rojawanî derheqê konferansî de ajansê ma rê qisey kerd.

Hemsereka KNKyî Zeynebe Murad îfade kerd ke no konferans konferansêko tarîxî yo û vat: ‘’Serkewtişê nê konferansî do tesîrê pêro Kurdîstanî bikero. Derheqê yewîya kurdan de xebatê ma zî est ê. Çar parçeyanê Kurdîstanî de ma wextêkê hesasî de yê. Coka no konferans do bibo destkewteyêko pîl.’’

Hetkara Hemserekîya Meclîsê Cîbicîkarî ya Kantonê Cizîre Hemrîne Elî vat: ‘’Seba ke cinîyî tewrê ci bîyê û serkêşê ci bîyê no konferans manadar o. Şorişê Cinîyan ê Rojawanî de no konferans bi konferansê cinîyan. Ganî na roje sey rojêka normale nêra dîyene. Viraştişê konferansêkê winayênî tarîxî û girîng o.’’