Bi tewrbîyayîşê panc hezar ciwanan kongreya 2. ya YRCyî Rîmelan de ameye viraştene.

Yewîya Ciwanan ê Rojawanî (YRC) kongre de nîzamnameyê xo newe ra wend û goreyê peşnîyazan bedilna. Goreyê nîzamnameyê neweyî yê YCRyî raameyîşê xo sey Têgêrayîşê Ciwanan ê Şorişgêrî yê Welatperweran ê Sûrîye newe kerd. Bado zî semedê ronayîşê meclîsê têgêrayîşî vîjnayîş ame viraştene. Netîceyê vîjnayîşî de Vakur û Rojhelatê Sûrîye ra 49 ciwanî ameyî vijnayene û semedê têgêrayîşî logoyêk ame raameyene.

Kongre de sere de semedê azadîya Rayberê Şarê Kurdî Abdullah Ocalanî xeylî meseleyanê muhîman ser o ame qiseykerdene.

Polîtîka ra heta rêxistinbîyayîş, perwerde, xopawitiş, kultur, huner û sporî meseleyê her cayê cuye gerîyayî dest û semedê averşîyayîşî şaranê Sûrîye qerarê muhîmî ameyî girewtene.

Qiseykerdişê peynîya kongreye îdarekarê Têgêrayîşê Ciwanan ê Şorişgêrî yê Welatperweran ê Sûrîye Harûn Apoyî kerd. Apoyî mucadeleyê ciwananê Sûrîye sey merheleyêko tarîxî name kerd û waşt ke wa heme endamê têgêrayîşî berpirsîyarîya xo bîyarî ca.

Kongre bi slogananê mucadeleyî yê bi hezaran ciwanan qedîyaye.