ANFyî xo resna îtîrafabê hucreyê hemparî yê MÎT-DAÎŞî yo ke wextanê cîyayan de hetê Hêzanê Asayîşê Zereyî ra ame bêtesîrkerdene.

Abdulhalîm Mûhammed El Şayîb Reqa ra yo û mesuldaranê xeylê hêrişanê bi bomabayan ra yew o. Mahmûd Hisên El Salih Serêkaniyê ra yo û herêmanê îşxalkerdeyan de cebilxane peyda kerdêne. Mûhenned Mûhammed Xelef Reqa ra yo û mesuldaranê hêrişê vera îstasyonê ceyran û awe ra yo.  

Ammar Xelef Reqa ra yo û vano ke o îdarekarêkê MÎTî Abdurrahman Mahmud Xidirî reyde xebitîyayêne, dîmenê şerwan û dezgehanê herême girewtêne û şawitêne MÎTî.

Mûstafa Mûhammed El Mûhammed  Girê Spî ra yo. O endamê MÎTî yo ke seba hêrişanê vera îstasyonanê awe û ceyranî herêmanê îşxalkerdeyan ra cebilxane peyda kerdêne. O vano ke bi rayîrê Ebû Esadî herêmanê îşxalkerdeyan de MÎTî rê xebitîyayêne. Birazîyê Ebu Esadî Beşar Mûhammed El Salîm zî mesuldaranê hêrişanê vera îstasyonan ê Reqa ra yew bi.

Mûstafa Mûhammedî hêrişê vera îstasyonan îtîraf kerdî û vat: ''Beşarî mi rê waşr ez îstasyonê ceyranî biteqna û o zî do 15 hezar dolar bido mi. Mi îstasyon teqna, dîmenî şawitî ci la seba ke dîmenî zelal nêbîyî pere nêda mi. Di rojan dima ez û kesê bi nameyê Hesen û Abdulhalîm ma şewe şîyî kanala awdayîşî teqnayî û dîmenî girewtî. Narey MÎTî 500 dolar da mi. Çalakîya hîrêyîne de ez û Beşar ma Îstasyonê Awdayîşî ya Zîretî yê Refaa teqnayî û MÎTî 200 dolar da mi. Dima zî ma lûleyê îstasyonî pê mayînan teqnayî.

Ma xîret kerd ke hêrişê îdarekarê Komîteya Perwerde û Risipîyan bikeerê. Ebû Xetap 4 mayînî dayî mi, Beşarî zî madeyê kundoxî dayî mi la dima mi Beşarî ra xeberêke nêgirewte. Dima kesanê bi nameyanê Ebu Xetap, Mihemed û Ehmed Saîdî mi de têkilîye viraşte. Ma waşt wesayîtê ê îdarekarî biteqnê. Tirkîya ra o çax mi rê 300 dolar erşawîya. Dima mi rê waşt ez wesayîtê risipîyê eşîra Hawawatî bivêşna. Ehmed Seîdî benzîn û hebê kundoxî ardî. Bi nê heban hişê mi, mi sereyî ra şîyêne.''