Hemsereka Herêma Firatî ya PYDyî Nesra Derwêş bale ante tecrîdê vera Rayberê Şarê Kurdî Abdullah Ocalanî ser û pare kerd ke ê do bi ruhê xoverdayîşê cinîyan tecrîdî bişiknê û azadîya Ocalanî bîyarê ca.
Hemsereka Herêma Firatî ya PYDyî Nesra Derwêş derheqê tecrîdê vera Rayberê Şarê Kurdî Abdullah Ocalanî de ANFyî rê qisey kerd.
Nesra Derwêş ard ziwan ke mîyanê tecrîdî de tecrîd Abdullah Ocalanî rê yeno ferzkerdene û vat: ''Şexsê Rayber Apoyî de şarê kurdî yeno tecrîdkerdene. Dewleta tirke wazena bi tecrîd, qirkerdiş û hêrişan şarê kurdî çin bikera. Rêxistina Vergirewtişê Îşkenceyî (CPT) vera tecrîdî vengê xo nêkena û derheqê Rayberê ma de agahîyêke nêdana.
Her kes zaneno ke mefteyê çareserîye destê Rayber Apoyî de yo. Rayber Apoyî seba azadîya cinîyan têkoşîn kerd. Ma zî sey cinîyan do bi ruhê xoverdayîşê cinîyan tecrîdê vera Rayber Apoyî bişiknê û azadîya Rayber Apoyî bîyarê ca. Rayber Apo ronayoxê projeyê Neteweya Demokratîke yo. Coka hêzê mîyanneteweyî hêrişê ey kenê.''
Nesra Derwêş peynîya qiseykerdişê xo de vat: ''Ma venga pêro kesan danê ke wurzê payan ser, tecrîdî bişiknê û azadîya Rayber Apoyî bîyarê ca.''
