Rîyê hêrişanê Dewleta Tirkan û çeteyanê aye ra bi hezaran merdimî neçar mendî ke Serêkanîye û Girê Spî ra koç bikê. Aqîlê Bêko (50) ya ke dayîya 9 domanan a, a zî rîyê Dewleta Tirkan û çeteyanê aye ra 3 rey koç kerd. Bêko zaf rey barbarîya îşxalkaran û şer dîye.

Aqîlê Bêko bi xo Kobane ra ya, seba ke Dewleta Tirkan hêriş kerd koçê Helebî kerd, faşîzmê Dewleta Tirkan ra Helebî ra zî koç kerd şîya Minbic. Wextêkî ra pey zî reyna koç kerd û ameye Serêkanîye. Aqilê Bêko û keyeyê aye Serêkanîyê de xo rê cuyêka newîye saz kerdêne, reyna hêrişanê îşxalkarîye yê Dewleta Tirkan û çeteyanê aye ra neçar mendî ke kiç bikê û şorê Til Temir.

Aqîlê Bêko vat: "Rîyê Erdoganî û çeteyanê ye ra mi çend rey koç kerd. Ma zaf zulm û zehmetîye dî. Ma Serêkanîye de kerd ke cuya newîye saz bikê la Erdoganî nêverda. Dewleta Tirkan û çeteyê aye bi hewayêkê barbarî sivîlan kişenê. Ma wazenê ke abigêrê erdê xo. Ma do erdê xo Erdoganî rê, çeteyanê ey rê nêverdê. Heta ke ma estbê ma do nêverê înan. Heta ke ma ra yew estbo ma do erdê xo bipawê."