Avesta Xabûra ke 27ê çeleyê 2018î de Xoverdayîşê Modernî yê Efrînî de vera îşxalê dewleta tirke çalakîya fedayîte kerde, serrgêra şehadetê xo de bi merasîmêk hetê şerwananê YPJyî ra ameye yadkerdene.

Merasîm şehîdgehê Hesekê yê Şehîd Dijwarî de ame kerdene û Fermandara YPJyî Sosine Bîrhat tede qisey kerd. Sosine vat: ''Her şerê giranî de cinîyan ê şorişgêran pê ruhê xo seba azadîye xo ver da. Ma şexsê embaze Avesta de pêro şehîdanê xo yad kenê û sereyê xo verê têkoşînê înan de anê war. Embaze Avesta pê bedenê xo verê dişmenî girewt û şerwananê YPJyî çalakîya ci ra hêzêko pîl girewt. Ewro dewleta tirke vera Şehba, Kobanê, Til Temir, Eyn Îsayî gefan wanena. Ma teqîbkerdoxê şehîdan ê û xelisnayîş û pawitişê welatî wezîfeyê ma yo verên o. Ma sey YPJ erd û şarê xo do bipawê. Senî YPJ Kobanê de rayberîya xoverdayîşî kerde ewro zî rayberîya xoverdayîşê azadîye keno. Ma do pê ruhê Avesta şayîya xelisnayîşê Kobanê pêşwazî bikerê. Ma do pê ruhê Avesta, Arîne û Rêvanan  û xoverdayoxîya Kobanê îşxalan bişiknê û Efrîn, Serêkanîyê û Girê Sipî bixelisnê.''

Merasîm pê slogananê 'Biciwîyo Serek Apo, Biciwîyo Xoverdayîşê Modernî, Şehîdî Nêmirenî' qedîya.