Hêvîne Cemîl Dawûda ke hêrişanê dewleta tirke ra neçare menda ke Efrînî ra koçê Şehba bikera hêrişanê 29ê teşrîna peyêne ra dima neçare menda ke koçê Qamişloyî bikera. 

Hevîna ke dadîya panc kênayan û hîrê lajan o, ajansê ma rê qisey kerd û da zanayene ke tedayan û hêrişanê cerganê dewleta tirke ra ê ancî neçare mendê ke koç bikerê. Hêvîne vat: ''Nêweşîye ra lajê min o 19 serre merd, cinîya zî wina merde. Nê dejî pêro bi zor û zehmetîyanê koçberîye giran benê. Cergî wazenê ma qir bikerê; ma mecbur mendê ke koç bikerê.

Ma çîyêko şaş nêkerd, ma teyna wazenê bi aramî biciwîyê. Rayîrê koçî de dergûşî mirenê, merdimê kokimî û nêweşî bêçare manenê. Ma seba heqanê kurdan gêrenê edaletî. Heta mergî ma do nê waştişanê xo bîyarê ziwanî. Ma qerardar ê ke xoverdayîş û têkoşînê azadîye rê dewam bikerê.''