Fermandaranê Hemleya Qesasê Şehîdanê Reqa ra Fîras çekjînî Ajansê Xeberan ê ANHA rê qisey kerd.

Fîras Çekjîn vat: ''Aşmêke verî bi hewayêkê hemwextî vera nûqtayanê QSDyî û Merkezê Pêroyî yê Hêzanê Asayîşê Zereyî yê Reqa û vera Rojawanî hêrişî dewleta tirke ameyî kerdene. Çunke mabênê DAÎŞ û dewleta tirke de koordînasyono eşkera est o. DAÎŞ newera xo rêxistine kerd û bi taktîkanê neweyan hêrişê herême kenO. Ma no tehlukeyo ke şarê ma tehdît keno, ferq kerd û bi hemkarîya Hêzanê Asayîşî yê Zereyî vera hucreyanê DAÎŞî operasyon da destpêkerdene. Hezanê ma xeylêk çeteyî tepiştî û xeylêk çeke û malzemeyo leşkerî fîna dest.  Ma zî planê DAÎŞî û paştgêranê ci hedef girewtî. Şarê ma zî paştî dano hêzanê asayîşî. Dewleta tirke û çeteyê ci ke serrgêra xelisnayîşê Kobanê de mesajanê eşkerayan danê, kenê derbe bidê îstîkrarê herême ro. La ma do bi ruhê xoverdayîşê Kobanê yê ke Sûrîye de DAÎŞ sey cografî qedîna, ma do nê fîkrî, çime û paştgêranê ci bin bifînê.''