Mamostayanê Efrînî yê ke rîyê hêriş û îşxalanê Dewleta Tirkan ra koçê herêma Şehba kerd, vera îşxal û hêrişanê Dewleta Tirkan tewirê xo mojna.

Mamosta Perwîne Silêman vat: "Seke yeno zanayene Dewleta Tirkan hêrişê sivîlan û domanan kena, hêrişê dezgehanê ziwanî kena. No zî mojneno ke Dewleta Tirkan nêwazena şarê Kurdan aver şoro û estbîyayîşê xo îspat biko. Ma do vera ney bivejîyê û têkoşînê xo dewam bikê."

Mamosta Rukêne Hisên vat: "Dewleta Tirkan hêrişê Efrînî kerd, hêrişê erjanê merdimîye kerd. Pê îşxalan xîret kena ke demografîyê herême bivurna. Rojawan de zaf şarî ciwîyenî û Dewleta Tirkan bi çekanê kîmyewî hêrişê înan kena. Pêro dinya zî paşt dana Dewleta Tirkan a îşxalkere. Ma nê hêrişan şermezar kenê."

Mamosta Valantîne Welo vat: "Ma sey mamostayanê Efrînî hêrişanê Dewleta Tirkan şermezar kenê. Dewleta Tirkan reya verêne hêrişê Efrînî kerd û dima zî pêro Rojawan îşxal kerd.  Ma venga komelê mîyanneteweyî danê ke wa şarê ma reyde hêrişanê barbaran vindarno."