Mamostayê Efrînî yê herêma Şehba derheqê Roşanê Ziwanê Kurdkî de ANFyî reyde qisey kerd.

Îdareyê Komîteya Perwerdeyê Komelê Demokratîkî ra mamosta Nerîmane Sîdo vat: ''Ez Roşanê Ziwanê Kurdkî yê her kesî fîraz kena. Heqê her kesî esto ke pê ziwanê xo qisey bikero. Pê îradeyêkê xurtî ma do girîngîya ziwanî komelê xo rê bidê famkerdene.''

Mamosta Hîkmet Hisênî zî 15ê Gulane Roşanê Ziwanê Kurdkî yê her kesî fîraz kerd û vat: ''Na roje seke ganîbîyayîşê kurdan a. Estbîyayîşê şarêkî pê ziwan yeno naskerdene. Ma ziwanê xo aver berê.''

Mamosta Mune Elî zî vat: ''Roşanê her kesî fîraz bo. Sayê xoverdayîşê Rojawanî de no ziwan aver şi. Ma do her tim xîret bikerê ke ziwanê xo aver bêrê çunke ziwanê ma estbîyayîşê ma yo.''