Meclîsê Şehba da zanayene ke rîyê dewlete tirke ra 300 hezar sivîlan bar kerd û veng da rêxistinanê heqanê merdiman ê mîyanneteweyî ke dewleta tirke cayê ke îşxal kerdî wa nê cayan ra vejîyo.
Meclîsê Kantonê Şehba bi weslîya serrgêra 2. ya hêrişê dewleta tirke yê vera Efrînî eşkerayîyêke daye.
Eşkerayîye de ame vatene ke vera hêrişê dewleta tirke yê vera Efrînî şerwananê YPG û YPJyî û hêzanê şorişgêran 58 rojî xoverdayîşo tarîxkî da. Rîyê hêrişê îşxalkeran ra 300 hezar ra zafêr sivîlan bar kerd. Sûcê ke vera şarê ma ameyî kerdene Şehba de dewam kenê. Ma sey Meclîsê Kantonê Şehba rêxistinanê mîyanneteweyî rexnê kenê ke vera nê qewimîyayîşan bêvengê. Ganî vera dewleta tirke nêrazibîyayîş bêro ramojnayenê ke ê erdê ma ra vejîyê.
