Meclîsê Cinîyan ê Sûrîye derheqê şîdetê vera cinîyan de ke wextê pandemîya vîrusê Korona de zêdîya, Parka Xwendinê ya Qamişloyî de eşkerayîyêke daye.

Endam û Îdarekarê Meclîsê Cinîyan ê Sûrîye tewrê eşkerayîye bîyî. Meclîsî bale ante ser ke wextê pandemîye de hetê camêrdan ra  şîdetê vera cinîyan yeno kerdene û vat: ''Ma sey Meclîsê Cinîyan ê Sûrîye şîdetê vera cinîyan şermezar kenê.''

Eşkerayîye hetê endama Koordînasyonê Meclîsê Cinîyan ê Sûrîye Lîna Berekat ra ameye wendene.  Eşkerayîye de ame vatene ke prosesê karantîna û qedexeyan de şîdetê vera cinîyan zêdîya. Eşkerayîye wina dewam kena: ''Goreyê çimeyanê Neteweyîyan ê Yewbîyayeyan tewr zaf vera cinîyan şîdet yeno kerdene. Şîdetê vera cinîyan bêexlaq û bêmerdimîye yo. Netîceya nê şîdetî zî bena sebebê xokiştişê cinîyan.''

Meclîsê Cinîyan ê Sûrîye tewr peyêne de da zanayene ke ganî nê wextî de cinîyî wayîrê yewbînan bivejîyê.