Fermandarîya Pêroyî ya Hêzanê Sûrîyeya Demokratîkî (QSD) bi eşkerayîye da eşnawitene ke înan semedê ercnayîşê rewşa peyên a Rojawanî bi hewayêkê îstîsnayî kombîyayîş kerd.

Eşkerayîya QSDyî wina ya:

''Bi tewrbîyayîşê fermandaranê meclîs û grûbanê leşkerîyan ê Meclîsê Leşkerî yê QSDyî ma kombîyayîş kerd. Kombîyayîş de hêrişê vera Til Temir, Zîrgan, Minbic û Şehba girewtî dest û  metodê pawitişê sîvîlan ameyî ercnayane. Reyna tehdîtê  hêrişanê neweyan yê dewleta tirke zî ameyî destgirewtene. Dewrê peyênî de  rîyê hêrişanê îşxalî ra tehlukeyê DAÎŞî zafêr bi. Na çarçewe de bale ameye ser antene ke DAÎŞî nê hêrişan ra senî paştî geno. Reyna ame vîrvîstene ke QSD senî goreyê pêkerdişan têgêreno. Hetê bînî ra derheqê cewabdayîşê hêrişan de zî muneqeşe ame kerdene. Hêrişê dewleta tirke yê vera Rojawanî sey vera Sûrîye ameyî hesibnayene. Kombîyayîş de seba ke şar wayîrê QSDyî vejîyeno nê tewirê ci ame selamkerdene, semedê dewamê paştdayîşî ame vengdayene û ame vatene ke semedê cewabdayîşê hêrişanê dewleta tirke ê amade yê ke pîya bi hukmatê Şamî bikoordîne têbigêrê''