Merkezê Efrînî de teqayîşêko pîl ame meydan
Şaristanê Efrînî de yo ke hetê dewleta Tirkî ra îşxal bîyo teqayîşêko pîl ame meydan. Yeno vatene ke rîyê teqayîşî ra zafê merdimî merdî û birindar bîyî.
Goreyê xeberanê ke ameyî girewtene rayîrê qezaya Reco ya Efrînî de seatanê serê sibayî de teqayîşêk ame meydan.
Goreyê tayê çimeyan teqayîş rîyê wesayîto ke bombe kiriştêne bîyo. Goreyê tayê dîmen û fotografanê ke medyaya komelkîye ser o ameyî weşaneyene rîyê teqayîşî ra der û dorî de bînayan zerarêko pîl dîyo. Derheqê teqayîşî de xeberê zêdeyî nêameyî deskewtene.
