Pîskoposê Sûryanan ê Herêma Cizîrî û Firatî Morîs Hamsîhî hêrişê îşxalî şermezar kerdî, Keşîşê Dêra Katolîkan a Armenan Hovsep Bîdoyan yad kerd û seba yewîye venga şarî da.

Pîskopos Morîs Hamsîhî tewrê roşano ke Dêra Marîsyan Hakîmî ya Dirbêsîye de ame fîrazkerdene bi û ANFyî reyde qisey kerd.

 Metran Hamsîhî îşxalî şermezar kerdî û Keşîşê Dêra Katolîkan ê Armenan Hovsep Bîdoyan yad kerd û îfade kerd ke seba ke îşxalkerî bêrê cezakerdene û erdê înan ra bivejîyê ê seba şerwanan dûa kenê. Pîskopos Hamsîhî vat: "Mi seba şehîdanê ma yê ke vera artêşa Tirke û cerganê aye bi çêrî şer kenê dûa kerd." Hamsîhî pare kerd ke şar do bi yewîye ser bikewo.

Metran Hamsîhî vist vîrî ke Keşîşê Dêra Katolîkan a Armenan a Marî Yûsif Bîdoyan seba ke hetkarîye bido merdimanê ke ameyî merkezê weşîye yê Dêra Zore û neçare mendî ke koç bikê kewt rayîr û vat: "DAÎşijan rayîr de o û babîyê ey qetil kerdî. Dima ma ê Heseke de û Qamişlo de tîya de bi merasîmî raşt kerd. O têna keşîş nêbi merdimêko xêrwaşte bi. Waştêne ke pêro dinya û her kes baş bibê."