Merkezê Îrtîbatî yê Meclîsê Leşkerî yê Minbicî bi eşkerayîyêke pare kerd ke hîrê dronî bi bomba yê dewleta tirke ya îşxalkere ameyê warvistene.

Eşkerayîye wina ya:

''Şerwananê ma serê sibayî saete 06.30 de dronêkê arêşa tirke ya îşxalkere dewa Ceradî ya Minbicî de vist war. Dima teyarayêka xokiştişî dewe bi giranî daye bombayan ver. Netîceya bombardumanî de dewij Mehmûd Hisên El Xelef birîndar bi.  

Saete 04.30 de zî cerganê artêşa tirke ya îşxalkere noqtayêka hêzanê hukmatê Şamî, dewa Dendenîyê de daye bombayan ver. Netîceya ney de 3 leşkerê hêzanê hukmatê Şamî kişîyayî û yewê ci zî birîndar bi. 

Dewa Ceradê zî bi 17 guleyanê hawan û obusan dîyaye bombayan ver.''

Merkezê Îrtîbatî yê Meclîsê Leşkerî yê Minbicî dima pare kerd ke Ceradî de dinê dronî ameyê warvistene.