Hemserekê Kantonê Kobanê Mistefa Îtoyî derheqê Dewaya Kobanê ya vera HDPyî de qisey kerd.

Mistefa Îtoyî vist vîrî ke xoverdayîşê Kobanê xoverdayîşê merdimîye bi û coka vera DAÎŞî no xoverdayîş resa asta tewr berze. Îtoyî ard ziwan ke vengdayîşê 'Wayîrê Kobanê vejîyê' yê Rayberê Şarê Kurdî Abdullah Ocalanî ser o ciwanî seba wayîrvejîyayîşê rûmet, şeref, azadî û estbîyayîşê vejîyayî meydanan û şehîd bîyî.

Mistefa Îtoyî vat: ''HDP û sîyasetmedarî seba wezîfeyê xo yê exlaqî têgêrayî û înan şarê Kobanê kerd verarê xo. Pê dewaya Kobanê demokrasî û fikro azad yenê cezakerdene. Dewaya Kobanê huqûqî nîya. Dewleta tirke bêvengîya hêzan ê mîyanneteweyîyan ra hêz gêna û hêrişê her cayî kena. Efrîn, Serêkanîyê û Girê Sipî mîsalê ney ê. Ê sey Dewaya Kobanê bi seyan dewayan zî abikerê senî ke xoverdayîş Kobanê de ser kewt do siba nê bîr Efrîn, Serêkanîyê û Ezazê de bireso armancê xo.''

Mistefa Îtoyî da zanayene ke îradeyê şaran îradeyo tewr pîl o û vat: ''Vakurê Kurdîstanî de ê wazenê sîyasetmedaran muhakeme bikerê, demokrasî rê ceza bidê, wazenê xeyalanê Osmanîyan bîyarê ca. Ê mîyanê xafletêkê pîlî de yê. Çunke hetê sîyasî, ekonomîk, komelkî ra rewşa înan rayîr nêdaye ke abigêrê ê verî. Çunke îradeyê şaran qetî dewaya xo ra anêgêreno. Netîceya xoverdayîşê Kobanê reyde rîyê mehkemeyanê tirkana ame kifşkerdene. Nameyê Meclîsê Kantonê Kobanê ser o ma hetê embazanê xo yê ke Dewaya Kobanê de yenê muhakemekerdene de yê. Ma na polîtîkaya bêhuqûqe şermezar kenê. Bêguman serkewtiş do bibo ê têkoşer û xoverdayoxan. Êyê ke do birijê AKP û hemparê ci yê.''