Hêrişanê peyênan ê artêşa tirke û cerganê ci yê Artêşa Milî ya Sûrîye de 52 sivîlî ameyî qetilkerdene, tewr tay 28 sivîlî birîndar bîyî û bi hezaran kesî zî wareyê xo ra bîyî.

Îdarekara Rêxistina Heqanê Merdiman a Sûrîye Evîne Cuma hêrişanê di hewteyanê peyênan de Rojawan de domanî zî tede bi desan sivîlî kişîyayê û vat: ''Hêrişê vera sivîlan hema zî giran benê.''

Bîlançoya hêrişanê 15 rojan wina ya:

27ê teşrîna peyêne de Minbic de Mistefa Berekato 17 serrî birîndar bi.

28ê teşrîna peyêne de dewa Xirnata ya Efrîn-Şehba de  Delîl Fewazî Îbro yo 28 serrî birîndar bi.

30ê teşrîna peyêne de Efrîn de Ciwan Mihemed Elî yo 26 serrî birîndar bi. Dewa Mezinî ya Şêrawa de zî domanêk birîndar bi.

1ê kanûne de Xidir Mihelî (2), Zeyneb Murad (3), Mihelî Mihelî (44), Kênco Remo (41) birîndar bîyî. Heman roje Qamişlo-Hesekê de Ezîz Şêxo (20) şehîd bi.

2yê kanûne de rayîrê ver bi Helebî de Cemal Mûrsil, lajê ci Hesen (25) şehîd bîyî, kênaya ci û cinîya ey birîndar bîyî. Heman roje Til Rifet de Ehmed Hisên şehîd bi, cinîya ci birîndar bîye.

4ê kanûne de Dêrik de Enes Mihemed û Ebdullah Ehmed şehîd şehîd bîyî, 2 kesî birîndar bîyî.

5ê kanûne de Minbic de Nedîma El Hisên El Hemûd a 45 serrî şehîd bîye, Seîda El Ferec a 45 serrî birîndar bîye.

5ê kanûne de dewa Ereb Hesenî ya Minbicî de Sara Hac Hisên a 30 serrî birîndar bîye, dewa El Bû Zaxî de Zehra Elî El Cebana 23 serrî û birayê ci şehîd bîyî.

7ê kanûne de dewa Cib Mexzomî ya Minbicî de Fatma El Mihemed a 23 serrî û Ceblet El Hemra yê 48 serrî birîndar bîyî.

9ê kanûne de rojawanê Eyn Îsayî de zafê ci domanî û cinîyî 12 kesî ameyî qetilkerdene. Heman roje dewa Xerafanî ya Minbicî de zî 10 sivîlî ameyî qetilkerdene. Dewanê Mihermela û Hermelî yê Zirganî de kesêk şehîd bi û 2 kesî birîndar bîyî. Serê rayîrê Zirgan-Dirbêsîyê de 3 kesî ameyî qetilkerdene, dewa Kon -Eftarî ya Kobanê bi çekanê giranan dîyaye bombayan ver û 2 domanî tede ameyî qetilkerdene. 

10ê kanûne de nêzdîyê Xaçerêya Aşxane ya Minbicî de cerganê SMOyî nêweşxane de birîndarî qetil kerdî. Dewa Ceîda Mezinî ya Kobanê de yewê ci doman di kesî ameyî qetilkerdene. Rojawanê Eyn Îsayî de 8 kesî ameyî qetilkerdene. Hêrişê vera Minbicî de endama Civaka Jinan a Zenûbiyayê Kamar El Soud, Ayşe Abdulkadir û Îman şehîd bîyî.

11ê kanûne de hêrişê vera ambulansî de birîndarêk û hemşîrêk birîndar bîyî, ramitoxê ambulansî û birîndarêk zî şehîd bîyî. Hêrişê vera dewa Til Cumayî ya Til Temirî de kesêk birîndar bi. Hêrişê vera Qereqozaqî de Zahide Kusi ya 60 serrî şehîd bîye, Ciwan Berkel ê 8 serrî birîndar bi.

Evîne Cuma pare kerd ke hêrişan ra bi hezaran merdimî neçare mendî ke Şehba û Til Rifetî ra koç bikerê û vat: ''Koçberan rê cergan îşkence û heqaret kerdo. Doman û kokimî zî tede 11 merdimî serdî ra merdî. Bi se hezaran merdimî bê keyeyî mendî.

Hêrişê vera Minbicî vilayê her cayî bîyê. Minbic binê îşxalê dewleta tirke de yo û tede heqê merdiman yenê binpaykerdene. Şaristan de cergî talan, dizdî û qirkerdişî kenê.

Hêrişê vera herême zêdîyenê. Dewleta tirke ya îşxalkere û cergê ci şarî rê zulmanê pîlan kenê.''