Şerwana YPJî Mizgîne Botan û  welatperwere Kîsra Melek yê ke Qamişlo de hêrişê hewayî yê dewleta tirke de şehîde bîyî, bi merasîmêkê xurtî ameyî definkerdene.

Endamê dezgehanê sîvîl û leşkerîyan û endamê Kongra Starî zî tede bi seyan kesî tewrê merasîmî bîyî. Şerwana YPJî Mîzgîne Botan (Rahîme Xezalî) û welatperwere Kîsra Melek 30 gulane de hêrişê hewayî yê vera Qamişloyî de şehîde bibî.

Endamê Meclîsê Keyeyanê Şehîdan ê Qamişloyî Şemsêxan Guloyî merdimanê şehîdan rê serweşîye waşte û vera dewleta tirka îşxalkere û çeteyanê ci vengdayîşê yewîye kerd. Guloyî vat: '2Teyarayê Erdoganî nêeşkenê îradeyê ma bişikinê. Ma do bi fikr û felsefeya Rayber Apoyî xeta azadîye de xover bidê. Heta serkewtişî ma do tim têkoşînî pîlêr bikerê.''

Fermandaranê QSDyî ra Mihemed Zêdanî zî ard ziwan ke dewleta tirke vera Rojawan û Herêmanê Pawitişî yê Medya sûcê şerî kena û vat ê do semedê pawitişê erd û şarê xo rêçê şehîdan de têkoşîn bikerê.

Badê qiseykerdişan belgeyê şehadetî yê Botane û Meleke ameyî wendene û teslîmê keyeyanê înan ameyî kerdene.