Îbrahîm Kaypakkaya serkêşîya MKP û TKP-MLyî de bi merasîmêkê leşkerî Qamişlo de ame yadkerdene. Yewinê DKP/BOG, MLKP, TKEP/L, DKP-Bîrlîk û THKP-C/MLSPByî zî tewrê merasîmê bîyî.

Verî nameyê MKP û TKP-MLyî ser o Merale Berna eşkerayîyêke wende. Dima Fermandarê Taburê Armenîyan ê Şehîd Nûmar Ozanyan, Manuel Demîrî eşkerayîya hempare wende.

Eşkerayîye de ame vatene ke tradîsyonê têkoşîn û xoverdayîşî yê Kaypakkayî qetî do ser bikewo.

Nameyê DKP/BOGî ser o Tufan Pîr Keleşî qisey kerd û bale ante girîngîya têkoşînê hemparî ser.

Mesajê MLKPyî de wina ame vatene: ''Yadkerdişê Kaypakkayayî xoverdayîşê vera îşxal, zulm û kolonyalîzmî yo.''

Mesajê THKP-C/MLSPByî wina yo: ''Ma do heta serkewtişî şer bikerê.''

Mesajê DKP/Bîrlîkî zî wina yo: ''Burjuvaya Tirkîya heta ewro Tirkîya, Kurdîstan de bi des hezaran şorişgêrî qetil kerdî labelê nêeşkaya verê têkoşînê şorişî bigêra. Eqsê ci, nê adirî şorişê Kurdîstanî berz kerd.''