Fermandarîya Qerargehê Merkezê Pawitişê Şarî (MPŞ) nçoya şerî ya serra 2024î eşkera kerde. Eşkerayîye wina ya:

''Têgêrayîşê Azadîye yê Kurdîstanî û şarê kurdî bi têkoşînî dekewtî 2024î û temamîya serre de vera hêrişanê dişmenî têkoşînê xo zêdîna. Dewleta tirke serrgêra 100ine ya ronîyayîşê xo de zî kerd ke armancê xo yê qirkerdişê kurdan bîyara ca. Îqtîdarê AKP-MHPyî zî kerd ke planê xo yê Mîsak-i Mîlî û xeyalanê Osmanîyan bîyaro ca. Dewleta tirke û îqtîdarê AKP-MHPyî nê 10 serranê peyênan de verê xo da nê hedefî, pêro sermayeya şaran seba qirkerdişê kurdan xerc kerd, erjê welatî pêşkêş kerdî, destekê hemkaran û xayînan girew, pêro teknîkê şerî, çekê qedexeyî şuxilnayî, şarê ma yo sivîl qetil kerd, zîdnanan de teda zêdînaye û nînan de heta peynî israr kerd.

Şarê kurdî, Rayberîye, têgêrayîşê azadîye û gerîlayan vera nê hêrişan xoverdayîşêko bêeman kerd. Şarê ma seba pawitişê estbîyayîşê xo, caardişê azadîye bi armancê 'Rayberîya Azadîye, Kurdîstanê Azadî' xoverdayîş berz kerd û têkoşînê xo asta mîyanneteweyîye de dinya rê via kerd.

Serkêşanê na dewaya fîraze Gerîlayanê Azadîye yê Kurdîstanî sere de Vakurê Kurdîstanî û Herêmanê Pawitişî yê Medya de, her ca de vera hêrişanê dişmenî ruho fedayî yo Apogîr mojna. Gerîlayan serra 2024î de têkoşîn girewt milê xo ser. Embazanê ma Rojhat Zîlan û Erdal Zîlanî 1ê teşrîna verêne ya 2023yî de vera mekanê Wezîrîya Karanê Zereyî çalakîya kerde û terz û ruhê dewrî eşkera kerd. Gerîlayan zî 2024 de no têkoşîn esas kerd.

2024 de artêşa tirke ya îşxalkere Vakur de hêrişanê xo rê dewam kerd. Taktîk û stratejîyanê gerîlayan planê dişmenî pûç kerdî û no têkoşînê 2024î bi zelalî eşkera bi. Netîceya tewirê qerardarî yê şehîdanê ma de no tewir vejîya werte. 2024 de Vakurê Kurdîstanî de 36 embazê ma bi qehremanî şehîd bîyî.

2024 de vera Herêmanê Pawitişî yê Medya hêrişê dişmenî bêmabên ameyî kerdene. 16ê nîsane ra pey bi destekê zelalî yê PDKyî û Irqqî Metîna û Xakurkê, 3yê temmuze de zî Warê Xoverdayîşî yê Girê Biharî ameyî hedefkerdene. Dewleta tirke kerd ke game bi game waranê gerîlayan de cabida xo û wina Başûrî îşxal bikera. La 2024 de bi têkoşînê fermandaranê ma yê fedayîyan ê sey Alan Milazgîr, Orhan Cihat Bingöl, Şiyar Efrîn, Dr. Sara Tolhildan, Zîlan Amed, Hevrê Çiya, Şervan Varto, Canşêr Şêrawa, Ekîn Rodî, Tufan Koçer, Devrim Botan, Xebat Türkmen, Piling Germiyan, Ebu Leyla Şehîd, Sema Cuya Çewlîk, Ezîz Mûsil, Asmîn Seyît, Cemal Dêrezor, Kurtay Şahin, Hogir Merwanî 98 embazê ma bi qehremanî şehîd bîyî. 

2024 de bi temamî 134 embazê ma şehîd bîyî.

Serra 2024î de 1 yarbay, 2 bînbaşi, 1 yuzbaşi zî tede 9 fermandarê artêşa îşxalkere, bi temamî 478 îşxalkerî ameyî cezakerdene û bi nê hawayî derbêka girane dîyaye artêşa îşxalkere ro. Artêşa îşxalkere ancî binkewtişî ra xeylê fermandarê xo erkî ra girewtî.

Gerîlayan Newroze de mujdeya xo daye şarê ma û pare kerd ke hinî înan de o îmkan est o ke droneyê çekdarî (SÎHA) yê dewleta tirke çin bikerê. 2024 de çalakîyanê Hêzanê Pawitişî yê Hewayî de 27ê gulane de Qendîl de 1 AKSUNGUR SÎHA, 6ê hezîrane de Asos de 1 ANKA SÎHA û 12ê temmuze de Asos de 1 AKSUNGUR SÎHA ameyî warvistene. Dewleta îşxalkere û îqtîdarê ci verê nê çalakîyan de şoq mendî. 

Yewîya Şehîde Axîne Mûş û Yewîya Şehîd Dogan Zinarî yê Hêzanê Pawitişê Hewayî vera artêşa îşxalkere derbê giranî kerdî, îşxalkeran çalakîyanê ma de xeylê kişteyî dayî û kewtî psîkolojîya darbeya mergî.

Çalakîya vera TUSAŞî ya ke 23yê teşrîna verêne de Anqara de hetê endamanê Tabûra Bêmergan embazanê ma Asya Alî û Rojgêr Hêlînî ra amebî kerdene, çalakîyê 2024î tacîdar kerdî. Na çalakîya tarîxîye derbêka pîle daye dişmenî ro. Embazanê ma paytexê dişmenî de çalakîyêka serkewte kerde, vera dişmenî şer kerd û bi fedayîtî şehîd bîyî. Tewirê înan têkoşînê ma yo fedayî vist sere.

Serra 2024î de gerîlayan Vakurî ra heta Herêmanê Pawitişî yê Medya, metropolan ra heta erazîyan û tunelan, erdî ra heta hewayî gerîlatîya profesyonele û terzê şerî yo pispor ardî ca. Na asta ke gerîlayanê ma rêçê şehîdan de 40 serran de xo resnayo ci temînatê azadîya Rayberîya ma yo û îsbat kena ke rixmê pêro hêrişanê xo zî dewleta tirke ya qirkere û rejîmê AKP-MHPyî yo faşîste mehkumê binkewtişî yê.

Gerîlayê Azadîye yê Kurdîstanî na dewaya azadîye ya fîraze de bi gonîya şehîdanê ma û bi keda şarê ma sey vizêrî ewro zî bi rıhê fedayî yê Apogîrî serkêşîye bikerê û plananê dişmenî tarûmar bikerê.

Bîlançoya şerî

Hêrişê artêşa îşxalkere

Hêrişê bi teyarayanê şerî: 3255

Hêrişê bi helîkopteranê hêrişî: 973

Hêrişê bi dronanê teqaberan: 136

Hêrişê bi bombayanê nukleran ê taktîkî: 2

Hêrişê bi çekanê kîmyewîyan: 345

Hêrişê bi teqaberanê qedexeyan: 645

 

Şehadetî

Embazê ma yê ke şehîd bîyê 134

 

Çalakîyê Pawitişê Hewayî

SÎHAyê ke ameyê warvistene: 18

Çalakîyê Yewina Şehîd Axîn Mûş: 23

Çalakîya Yewina Şehîd Dogan Zinarî: 58

Bi temamî: 99

 

Çalakîyê erdî

Çalakîyê dekewtişî: 1

Çalakîyê hêrişî: 2

Operasyonê Şorişgêrî: 3

Çalakîyê dafike: 4

Çalakîyê bi koordîneyî: 13

Çalakîyê sabotajî: 62

Çalakîyê suîkastî: 229

Çalakîyê Derbkerdiş-Pêkewtiş-Mudaxeleyî: 302

Çalakîyê bi çekanê giranan: 409

Bi temamî: 1025

Hewa û erdî ra bi temamî 1124 çalakîyî ameyî kerdene.

 

Kişteyê dişmenî

Îşxalkerê payeberzê ke ameyê cezakerdene: 9

Îşxalkerê ke ameyê cezakerdene: 469

Bi temamî 478

Îşxalkerê ke birîndar bîyê: 161''