Meclîsê Sûrîyeya Demokratîke (MSD) derheqê qirkerdişê dewleta tirke yê vera Til Rifatî de û derheqê qirkerdişê di cinîyan ê îdarekaran de eşkerayîyêke daye.

MSDyî vist vîrî ke Şorişê Rojawanî şorişê cinîyan o û destekewteyê cinîyanê Rojawanî Erdogan û DAÎŞî rê benê asteng.

MSDyî vat: ''Erdogan babîyê DAÎŞî yo û tesaduf nîyo ke DAÎŞ û tîmanê Erdoganî heman roje hêriş kerd. Dewleta tirke xîretê çinkerdişê terorî yê MSD û QSDyî xo rê sey gefêk vînena û coka wazena Sûrîye de alozîye vejîya. Ma sey MSD venga cinîyan û pêro merdiman danê ke sûcanê dewleta tirke û DAÎŞî yê vera cinîyan şermezar bikerê û hesabê ci bipersê. Ma venga Neteweyanê Yewbîyayeyan, rêxistinanê heqanê merdiman, têgêrayîşanê cinîyan û şaranê têkoşêran danê ke vera dewleta tirke ya îşxalkere tewirê xo bimojnê û nê sûcdaran hukm bikerê.''