Meclîsê Sûrîyeya Demokeratîke (MSD) derheqê hêrişanê dewleta Tirkî yê vera Rojawanî de ekerayîyêk daye û vat îşxalkarî vera şaran sucê şerî kenê.

Eşkerayîye de nê ameyî parekerdene: ''Rixmo ke 17’ê Teşrîna Verêne de bi mabençîya Amerîka mabênê Hêzê Sûrîyeya Demokratîke (QSD) û dewleta Tirkî de pêkerdişê ardibirnayîşî ame kerdene, hêrişê dewleta Tirkî yê vera Serêkanîyê û Girê Spî dewam kenê. Hêrişanê dewleta Tirkî de 22 yê ci domanî 235 sivîlî ameyî qetilkerdene. Reyna nizdê 300 hezar sivîlan erdê xo terk kerd. Rêxisinanê mîyanneteweyî heme personelê xo herême ra antî. Rêxistina Efûyî ya Mîyanneteweyî eşkerayîya xo ya 18’ê Teşrîna Verêne de ard ziwan ke dewleta Tirkî sucê şerî kena. Heyva Sor a Kurdî û Rêxistina  Xeçê Sûrî ya Mîyanneteweyî zî vizêr Serêkanîyê ra tayî birîndarî û cenazeyî vetî.Bisebebo ke koorîdorê merdimî çîno bi desan birîndarî bajar de mehsûr mendî.  

MSD’yî Rayapêroyîya dinya û dewletê mîyanneteweyî yê ke vera nê hêrişê vejîyenê înan rê spas kerd û wina veng da: ''Semedê vindarnayîşê hêrişanê qirkerdişî yê dewleta Tirkî  ganî bêro gurenayene.  Ganî hêzê mîyanneteweyî semedê teqîpkerdişê adirbirnayîşî heyetêk bişawî. Serêkanîyê de wa koorîdorê meridmî bêro akerdene.'' Eşkerayîye de ame vatene ke ma wazenê ke qetilkarê şehîde Hevrîn Xelefî, sivîlan û çalakgeran vejîyê werte. Sucdarî û sucî wa vejîyê mehkemeyanê mîyanneteweyî. Xora dîmenê sucan çapemenî de ca genê. MSD’yî bi silamkerdişê xoverdayoxanê Rojawanî eşkerayîya xo qedînaye.