Meclîsê Sûrîyeya Demokratîke (MSD) sucdarkerdişê ke hetê Wezaretê Karanê Teberî yê rejîmê Sûrîye ra QSD‘yî rê ameyî kerdene red kerdî.

Îzahatî de yeno vatene, "Wezaretê Karanê Teberî yê îdareyê Şamî pê beyanato ke rastî ra dûr o hêrişê QSD’yî  kerd û QSD’yî  sey sûcdar mojnayo. No beyanat zûr o, ma ey red kenî." MSD eşkere kerd ke eleqeyê beyanatî yê rejîmê Sûrîye û kombîyayîşo ke ewro Enqere de do bibo esto û va: "Ma nê sucdarkerdişî kombîyayîşê mabenê grantorê Astanaye ke ewro do Enqere de bibo ra cîya nêvînenî û şirove nêkenî. Rejîm bi nê tewirî  wazeno ke Tirkîya razîyê pêameyîşanê neweyan bibe. Naye ra ber zî beyanatî de zafê nakokî estî. Hema zî dîyar o ke hukmatê Şamî zîhnîyetê xo ra fek vera nêda ke bîyo sedemê nê pêro weranîyan û rîyê ci ra dewletê xerîbî ameyê erdê Sûrîye. MSD‘yî dimayê derheqê beyanatê rejîmî de wina vat: " Meclîsê Sûrîyeya Demokratîke (MSD) beyanatê rejîmî sey yew hezîmetî qebul keno û seke ser herêma bîne û mantiqêko bîn ke ser nê herêman de fikrê ci çin ê şirove keno heyf o ke her çiqas çareserîyê rejîmê Sûrîye estî zî pê mantiqê dewlete welat îdare keno. Ma bi hewayêkê xurtî vanê ke vurnayîşê sîstemê despotîzmî wazîfeyo eslî û neteweyî yo."