Meclîsê Sûrîyeya Demokratîke (MSD)  derheqê teqayîşê Efrînî de ke tede xeylêk kesî merdî ewro eşkerayîyêke daye. MSDyî hêriş şermezar kerd.

Eşkerayîya MSDyî wina ya:

''Vizêr sûkê Efrînî de teqayîşêk qewimîya û netîce de bi desan sivîlê bêguneyî birîndar û şehîd bîyî.  Efrîn beno hedefê pêro metodanê terorê kiştişî û remnayîşî. Nê hêrişan de dest nîyeno keye û malanê sivîlan, şaro sivîl koçber beno û demografîya herême yena vurnayene.

Hetê bînî ra peymana adirbirnayîşî ya ke mabênê Tirkîya, Amerîka û Rûsya de ameyê kerdene yena binpaykerdene. No çi hêrişê artêşa tirke yê vera Asayîşê Kobanê de zî ame dîyene.

Ma sey Meclîsê Sûrîyeya Demokratîke ma nê hêrişanê ke sivîlan kenê hedef şermezar kenê û reyna anê ziwan ke îşxalkerîya tirke paştê xo dayo komanê terorîstan ke înan rêxistin kena û kerdişanê xo yê tersnekan binê sîwana pawitişê Tirkîya de kena. Ma venga komelê Yewbîyayeyan danê ke  pê berpirsîyarîya xo ya seba Sûrîye wurzo payan ser û seba qedînayîşê îşxalê dewleta tirke yê vera Efrînî û pêro herême bixebito. Heman wextî de atmosferê çareserîya sîyasîye goreyê biranê mîyanneteweyîyan û sere de goreyê bira 2254î peyda bikero û sînorêk eşkera bikero.''