Hemserekê Partîya Yewîya Demokratîke (PYD) Salih Muslimî tecrîdê Îmraliyî ANFyî rê ercna.

 Salih Muslimî pare kerd ke êyê ke tecrîdî ferz kenê ê hêz ê ke destpêkî ra nata mîyanê komployî de yê. Muslimî vat: ''Nê hêzî Gladioya NATOyî ya. Tirkîya têna gardîyanîya Îmraliyî kena. Sîstemê Îmraliyî sîstemêko mîyanneteweyî yo. Ewropa zî mîyanê ney de ya. Hema zî binê kontrol û Gladioyî de yo. 

Tecrîd îşkence yo. Ganî Tirkîya de seba wedaritişê tecrîdî alaya xoverdayîşî bêra berzkerdene. Dişmen têna Îmrali de nê her ca de kurdan rê teda keno. Qirkerdişê Parisî yê 23yê Kanûne de ma no dî. Ganî kurdî raştîya Gladioyî bimojnê pêro dinya. 2022 de xoverdayîşêko bêhempa amebi kerdene la qîm nêkerdç Coka ganî xoverdayîş bêro hîrakerdene.''

Salih Muslimî bale ante ser ke erkê CPTyî vergirewtişê îşkenceyê Îmraliyî yo û vat: ''CPT meseleya Îmraliyî de teyna sey çimdarêkî têgêreno. Nêeşkeno bê destûrê Tirkîya raporanê xo zî eşkera bikero. Peyê CPTyî de hêzêko pîl est o. La CPT eşkerayîyêke zî derheqê Îmraliyî de nêdano. Eke CPT verê îşkenceyê Îmraliyî nêgêno çira şino zîyaretê Îmraliyî? CPT goreyê mîsyonê xo ney la goreyê merkezê komployî têgêreno.''

Peynîya qiseykerdişê xo de Muslimî vat: ''Serra 2023yî de hem Kurdîstan de hem zî teberê welatî de eke xoverdayîş û têkoşîn bêro xurtêrkerdene qetî netîce do bêra girewtene.''