Meclîsê Sûrîyeya Demokratîke (MSD), Hêzanê Sûrîyeya Demokratîke (QSD) û Îdareyê Xoserî yê Rojawanî gefanê îşxalî yê dewleta tirke yê serê Rojawanî ra dima  Hesekê de kombîyayîşêk kerdbi. Netîcenameyê kombîyayîşî ame eşkerakerdene.

Netîcename de ame vatene ke ê vera hêrişê muxtemelî yê dewleta tirke amade yê û pêro tedbîrê xo girewtê. MSD, QSD û Îdareyê Xoserî netîcename de venga şaranê Rojawan û Sûrîye da ke seba asayîş û ameyoxê xo pîya bibê û vera projeyanê îşxalî vinderê.

Netîcename de bale ameye antene yewîya şaran ser û ame îfadekerdene ke dewleta tirke herême ser o gefanê pîlan wanena. Netîcename de venga Yewîya Ereban, Konseya Yewîya Korfezî ame dayene ke wa paştî bidê şaranê Sûrîye û îşxalê dewleta tirke yê vera Sûrîye red bikerê.