Awbendê Tişrinî 8ê kanûna 2024î ra nata raştê hêrişan giranan ê dewleta tirke û çeteyanê ci yeno. Vera hêrişan her hetê Rojawanî ra bi hezaran kesan Awbendê Tişrînî de nobete daye destpêkerdene.

Nobeta pawitişê awbendî roja çarine de dewam kena. Şaro ke sey grûban nobete tepişeno ard ziwan ke pawitişê Awbendê Tişrînî wezîfeyo neteweyî yê heme sûrîyeyijan o û vat ê do awbendî cameverdê.

Yeno pawitene ke şaro ke Kantonê Cizre ra kewto rayîr do saetanê cemê nîmroje de tewrê çalakîye bibo.