Şaranê Rojawanê Kurdîstanî seba pawitişê Awbendê Tişrînî 8ê çeleyî de çalakîya nobete dabî destpêkerdene. Dewleta îşxalkere roja yewine de hêrişê konvoyê şarî kerdbî û sûcê şerî yo giran kerdbi.

Rixmê hêrişan zî şar çalakîya xo ya nobete rê roja hîrêyîne de dewam keno. Şar veng da ke wa hêrişê dewleta tirke yê vera binawayîya herême û waranê sivîlan bêrê vindarnayene.

Çalakîkeranê nobete ancî paştî daye xoverdayîşê şerwananê QSD û YPJyî.