Hêzanê Sûrîyeya Demokratîke (QSD) pelê xo yê înternetî de da pêhesnayene ke înan qezaya El Kesra ya Dêrazorî de operasyon dayo destpêkerdene.

QSDyî da zanayene ke opersyono ke pîya bi hêzanê koalîsyonê mîyanneteweyîyî ame kerdene de serçeteyêk ame tepiştene. QSDyî eşkera kerd ke di hewteyanê peyênan de pîya bi koalîsyonê mîyanneteweyîyî panc operasyonê hemparî ameyî kerdene. Eşkerayîye de ame vatene ke operasyonê peyênî de pîya bi tepiştişê serçeteyêkî xeylêk belge û malzemeye resnayîşî zî ameyî destfînayene.