Hewva Sor a Kurdîstanî vizêrî (22ê sibate) eşkerayîye vila kerde û dîyar kerd ke berê Pêşxabûrî destûr nêdano ke hetkarîyî bivîrê biresê herêmanê Sûrîye ke tede erdlerz virazîyayo.

Eşkerayîya Heyva Sor a Kurdîstanî wina ya;

"Rîyê erdlerzê 6ê sibate ra, felaketêka girde virazîya û şarê herême zirarê pîlî dîyî. Komelanê herêmî û mîyanneteweyî seba mexdûranê erdlerzî hewldayîşê girdî dayî. Seba ke bawerîya înan bi Heyva Sor a Kurdîstanî yena, waşt ke hetkarîyanê xo bi raya Heyva Sor a Kurdîstanî bierşawê.

La çi heyf ke bê sebeb ma rastê xeylê astengîyan yenê. Tewr peynî vizêrî (21ê sibate) wexto ke karwanêkê hetkarîyî berê Pêxabûrî ra vîyartêne ame astengkerdene.’’

Heyva Sor a Kurdîstanî nê qeraran red kena û gere nê qerarî apey biancîyî û heme hetkarîyan rê rayîr bêro akerdene.