Peymana Lozanî Hesekê, Qamişlo û Heleb de bi çalakîyan ameye protestokerdene.

Qezaya Dirbêsîyê ya Hesekê de de bi rayraşîyayîş û mîtîngî Peymana Lozanî ameye şermezarkerdene. Rayraşîyayîşî ra dima mîtîng de eşkerayîye ameye wendene. Eşkerayîye de venga pêro hêzanê sîyasîyan ê kurdan ame dayene ke hêrişanê xayînan vindarnê û yewîya xo awan bikerê.

Qezaya Til Berakî ya Kantonê Qamişloyî de zî bi eşkerayîyêke Peymana Lozanî ameye şermezarkerdene. Eşkerayîye de ame vatene ke kurdî na peymane qetî qebul nêkenê.

Taxanê Şêxmeqsûd û Eşrefîye yê şaristanê Helebî yê Sûrîye de zî bi wesîleya serrgêra Peymana Lozanî hetê PYDyî ra rayraşîyayîşêk ame serûberkerdene. Rayraşîyayîş dima vurîya mîtîngî. Mîtîng de qiseykerdoxan pare kerd ke kurdan vera Peymana Lozanî zf reyî sere wedarit û serewedaritişo ke Abdullah Ocalanî dayo destpêkerdene hema zî dewam keno. Qiseykerdoxan venga pêro kurdan da ke vera Peymana Lozanî têkoşînî pîl bikerê.