Meclîsê Partîya Yewîya Demokratîke (PYD) bi eşkerayîyêke vera PDKyî nêrazîbîyayîşê xo mojna ke hemkarîya dewleta tirke keno, hêrişê gerîlayan keno û xîret keno ke debikewo Şingal.

PYDyî vist vîrî ke 5 gerîlayê ke PDKyî Xelîfan de şehîd kerdbî vera DAÎŞî şer kerdbî û vat:''Şehîdkerdişê nê gerîlayan vera şarê ma sûc o û nêno qebulkerdene. Gerîlayî çar parçeyanê Kurdîstanî de şarê kurdî pawenê. PDK hemkarîya dewleta tirke keno û sûcanê dewleta tirke meşrû keno. Ma hemkarîya PDK û Tirkîya red kenê.

Xîretê dekewtişê Şingalî yê PDKyî vera şarê ma komplo yo. Îradeyê şarê ci ra ber ma Şingal de qet yew îradeyê bînî nêşinasnenê. Ma paştî danê roniştoxanê Şingalî ke heqê xo yê îdareyê xoserî û hêzanê asayîşî pawenê. Hêrişê vera Şingalî hêrişê vera pêro kurdan o. Ma venga pêro hêzanê Kurdîstanî danê ke wa paştî bidê waştişanê şarê Şingalî. Ma xoverdayîşê şingalijan selam kenê.

Ma venga şarê kurdî danê ke vera komployê neweyî yê dewleta tirke yê bi hemkarîya PDKyî vindero û nê komployî çin bikero.''