Meclîsê Pêroyî yê Partîya Yewîya Demokratîke (PYD) bi eşkerayîyêke hişyarî daye PDKyî ke Herêmanê Pawitişî yê Medya de dest pê têgêrayîşî kerd.

Eşkerayîye wina ya:

''Goreyê agahîyan PDKyî reyna hêzê leşkerî û wesayîtê zirxînî sewqê herêmanê gerîlayan kerdî. Nîsana 2021î ra nata nê waran de mabênê gerîlayan û dewleta tirke de şer est o. Faşîzmê Tirkîya rixmê hende hêrişan zî serrêke de netîceyêke nêgirewte. PDKyî rayîrê koyan de bendî nayî ro û raştaraşte paştî daye Tirkîya. Nê prosesê hesasî de têgêrayîşê leşkerî yê PDKyî zêdîyayî. No zî mojneno ke beno ke mabênê gerîla û PDKyî de şerêk biqewimîyo. Hêzê gerîlayî çar hetanê Kurdîstanî de şarê kurdî pawenê. Eke şerê vera gerîlayan keyeyanê gerîlayan û şarî rê tesîrêkê pîl bikero mesuldarê ney PDK yo.

Coka ma venga PDKyî danê ke wa sîyasetê xo newe ra bierjno ke xizmetê îtîfaqê faşîstî yê Erdogan-Bahçelîyî keno û destkewteyanê şarê kurdî visneno binê tehlukeyî.

Me venga pêro hêzanê Kurdîstanî û şarê xo danê ke pîya vera sîyasetanê PDKyî vinderê. Çunke no sîyaset beno sebebê parçebîyayîş û vilabîyayîşê kurdan.''