Stadê Şehîdan ê 12ê Adare yê Qamişloyî de şayîya fîrazkerdişî ya Şorişê 19ê Temmuze dîyabî destpêkerdene. Şayîye hetê Îdareyê Xoserî yê Herêma Cizîrî ra amebî serûberkerdene. Bi hezaran kesî pê kincanê tradîsyonelan tewrê şayîye bîyî.

Warê şayîye pê pankartan û fotografanê Abdullah Ocalanî xemilîya. Şayîye de vera hêrişanê îşxalî yê Tirkîya sloganî ameyî vetene. Gazîyê ke Rayberê Şarê Kurdî Abdullah Ocalanî ê sey 'şehîdanê gandaran' name kerdî şayîye de amade bîyî.

Endamê Konseya Hemserekîya PYDyî Aldar Xelîlî şayîye de qisey kerd û pare kerd ke sayê şehîdan de şoriş dewam keno. Xelîlî vat: ''Tirkîya Efrîn, Girê Sipî û Serêkanîyê îşxal kerdî. Heta nê warî azad nêbê ma do têkoşînê xo rê dewam bikerê. Ewro vera Başûrî zî hêrişî estê wa çew terefgîrê nê hêrişan nêbo. Şorişê ma 12 hezar şehîdî dayî. Ruhê şorişî do dewam bikero.''

Qiseykerdişan ra dima komê muzîkî vejîyayî sehne ser.