Hêrişê dewleta Tirkî yê îşxalî  yê vera Rojawanê Kurdistanî  Qamişlo de ameyî şermezarkerdene.

Kitleyo ke bi pankart û sloganan vera polîtîkaya hêrişkare ya dewleta Tirkî ya vera Kurdan hêrsê xo ard ziwan heta verê temsîlkarîya Neteweyê Yewbîyayeyî rayra şi  û ûca eşkerayîya çapemenîye daye. Çalakgeran veng da hêzanê mîyanneteweyîyî û Neteweyê Yewbîyayeyî (NY) ke wa vera tehdîtanê hêrişî yê dewleta Tirkî yê vera Vakur û  Rojakewtena Sûrîye bêveng memanê. Eşkerayîye de ame vatene ke domananê na herre heme dinya çeteyanê DAÎŞ’î ra xelisna û nê semedî ra 11 hezarî ra zafêr şehîdî dayî û 21 hezarî ra zafêr birîndarî estê. Çalakgeran vat şarê herême semedê cîrananê xo tedît nêyo la dewleta Tirkî semedê heme herême tehluke ya.