Seba vîrameyîşê Fermandara MLKPyî Sîbele Bulut (Sarya Ozgur) a ke xoverdayîşê Kobanê de şehîd bîye, Qamişlo de merasîmê yadkerdişî ame kerdene û sayêrî ronîyayî.

Komunîstanê Rojawanî Parka Rêbertîye ya taxa Hilêli de eşkerayîya çapemenîye daye û vat: ''Şehîde Sarya bêmerg a.''

Endama JKŞyî Cîhane Ehmed vîrameyîş de qisey kerd û vat ke cinîyê şehîdî yê MLKPyî Rojawan de estê. 

Cîhane Ehmed vat: ''Ma do serê rayîrê Şehîde Sarya de şorê. Ma do rayîrê azadî û sosyalîzmî de bibê teqîbkerdoxê aye. Sarya seba şorişî şehîd bîye, ma soz  danê ke şorişî geş bikerê.''

Qiseykerdişan ra dima seba vîrameyîşê Sîbele Bulut sayêrî ronîyayî.