Bajaranê Dêrik, Girkê Legê, Hesekê, Tirbesipîyê û Qamişlo yê Rojawanê Kurdîstanî de şar vejîya kuçeyan hîrê cinîyê şorişgêrî yê kurdî Sakîne Cansiz, Fîdane Dogan û Leyla Şeylamez ê ke 9ê çeleyê 2013î de Paris de ameyî qetilkerdene yad kerî.

Bi seyan kesanê ke vejîyayî meydanan posterê Sara, Rojbîn û Ronayî û Hevrîne Xelef a ke hêrişê vera Rojawanî de ameye qetilkerdene kiriştî û bi sloganan vera qirkerdişan hêrsê xo ard ziwan. Qiseykerdişan de ame vatene ke dewleta tirke bi hêriş û qirkerdişan wazena ke vernîya têkoşînê kurdan bigêro la se kenê wa bikerî kurdî ewro ra tepîya peyser game nêerzenê û rêçe şehîdanê xo de heta serkewtiş rayra şinê. Çalakîyan de tewirê Fransa ame şermezarkerdene û ame vatene ke ganî ê cade hêzê peyê qirkerdişî eşkera bikerê.