Merkezê Çapemenîya QSDyî bîlançoya 24 saetanê peyênan a Xoverdayîşê Rûmetî eşkera kerde.

Eşkerayîye de nê ameyî parekerdene:

''Dewleta Tirkî ya îşxalkare û çeteyanê ci  bi çekanê giranan hêrişê dewanê Îg El Hewa, Til Mihemed, Ezîzîye, Cemilîye, Mehmûdîye û Tewila yê Zîrganî ( Ebu Rasen) kerd.  Hêzanê ma çarçeweya xopawitişê meşrû de cewab da û pêkewtişê giranî ameyî ciwîyayene. Pêkewtişan de panzarêk ame îmhakerdene û panzarêk zî ame derbkerdene. Reyna  dewa Erbaînî de çeteyan hêriş kerd. Bi cewabdayîşê hêzanê ma pêkewtişî vejîyayî. Tewr tay 7 çeteyî ameyî kiştene û 4 zî birîndar bîyî. Îşxalkaran dewanê Alarîda, Xirbet, Farîs û Ebû Dihûrî de zî hêriş kerd. Pêkewtişan de 5 çeteyî ameyî kiştene û wesayîtêkê lekerî û makînayêka karî ameyî îmhakerdene. Pêro pîya 12 çeteyî ameyî kiştene, 4 çeteyî birîndar bîyî û 3 wesayîtî ameyî îmhakerdene. Xoverdayîş de grûbêka embazanê ma zî birîndar bîyî.‘‘