Merkezê Îrtîbatî û Çapemenîye yê QSDyî bîlançoya şer û hêrişan a 24 saetanê peyênan eşkera kerde.

QSDyî vat: ''Roja pacşemeyî dewleta tirke ya îşxalkere dormeyê Awbendê Tişrînî û Minbic dayî bombayan ver. Hêzanê ma Minbic de vera çeteyan çalakîyêke kerde. Çalakîye de xeylê çeteyî kişîyayî. Yewinanê Şehîd Harûnî zî vera wesayîtanê çeteyan û noqtaya çeteyan çalakîyî kerdî, 3 wesayîtî îmha kerdî, 4 çeteyî kiştî û 12 çeteyî birîndar kerdî.

Cepheyê Pirdê Qereqozaqî de hêzanê ma seba cewabdayîşê qirkerdişê Sirrînî çalakîyî kerdî. Baregehê îşxalkeran ê Hoşerîyê dîya bombayan ver, 3 leşkerê tirkî birîndar bîyî û 1 wesayîtêk ame derbkerdene. 3 çeteyî birîndar bîyî, 2 wesayîtî ameyî derbkerdene. Hêzanê ma çalakîya xo ya diyîne de zî 5 çeteyî kiştî.

Teyarayanê şerî yê dewleta tirke ya îşxalkere  dewê Tîna, Xeseq, Melha û Bîr Hisoyî yê Sirrînî yê Kobanê dayî bombayan ver. Heman wextî de Tîna, Cada, Bîr Hiso, Dîkan, Melha, Sêvê û Qereqozaxî bi obus û fuzeyan zî dîyayî bombayan ver.

Cepheyê Dêr Hafirî de droneyanê çekdaran ê dewleta îşxalkere noqtayê ma dayî bombayan ver. Hêrişan de 2 şerwanê ma birîndar bîyî û sivîlêk şehîd bi. Şerwananê ma cewab da îşxalkeran, 8 çeteyî kiştî, 2 çeteyî birîndar bîyî û 3 motosîkletî îmha bîyî.

Vizêr bi temamî 12 çeteyî kişîyayî, 3yê ci leşkerê tirkî 22 çeteyî birîndar bîyî, 5 wesayîtî û 3 motosîkletê îşxalkeran ameyî îmhakerdene.''