Merkezê Çapemenîya Hêzê Sûrîyeya Demokratîke (QSD) bîlonçoya 24 saetanê pêyenan eşkera kerde. Goreyê eşkerayîye pêkewtişanê peyênan de 29 çeteyî ameyî kiştene.

Eşkerayîya de nê ameyî parekerdene:

Serêkanîyê

Artêşa Tirkî ya îşxalkare û çeteyanê ci bi çekanê giranan, wesayîtanê zirxinan û wesayîtanê bêmerdiman ê hewayî hêrişê nuqteyanê  şervananê ma ê dewanê Menacîr,  Esadîyê Leylan  û Bîr Nûhî yê Serêkanîyê kerd. Hêzanê ma çarçeweya xopawitişî de cewab da tewr tay 10 çeteyî ameyî kiştene û xeylî zî birîndar bîyî. Pêkewtişan de panzerêk û wesayîtêko doçkabarkerde ameyî îmhakerdene.

Amûdê- Dirbesîyê

Dewleta Tirkî ya îşxalkare û çeteyanê ci hêrişê dewa Derdara kerd, hêzanê ma cewab da ci û îşxlkarî peyser qeldayî.

Kobanê- Eyn Îsa

Dewleta Tirkî ya îşxalkare û çeteyanê ci hêrişê dewanê Çelebê, Dîbîsî, Xirbet Farîa, Mîtmeşrak û Evdîkê yê Eyn Îsa kerd.  Bi cewabdayîşê hêzanê ma pêkewtişê giranî ameyî ciwîyayene.  Tewr tay 19 çeteyî ameyî kiştene û xeylî zî birîndar bîyî. Reyna di panzerî ameyî îmhakerdene û wesayîtêko leşkerî ame derbkerdene.

Pêkewtişanê vera hêrişan de tewr tay 29 çeteyî ameyî kiştene û xeylî zî birîndar bîyî. Pêkewtişan de 4 wesayîtê leşkerî ameyî îmhakerdene û yew zî ame derbkerdene. Nê xoverdayîşî de yew embazê bi şerkerdişêkê qeyhremankîyî şehîd bi. 11 embazê ma zî birîndar bîyî.‘‘