Merkezê Çapemenîya QSDyî da zanayene ke hêrişê Dewleta Tirkî û çeteyanê ci dewam kenê û hêzê înan çarçeweya xopawitişî de cewab danê îşxalkaran.

Eşkerayîye de nê ameyî parekerdene: ‘‘Îşxalkaran vera dewanê Ing El-Hewa, Salîhîye, Ebdilselam, Mehmûdîye, Qasimîye, Hemdanîye, Til el-Werd û Dîrbo yê Til Termirî  bi çekena giranan hêriş kerd. Heman wextî de çeteyan hêrişê cayanê sivîlan kerd. Hêzanê ma çarçeweya xopawitişê meşrû de cewab da û pêkewtişê giranî ameyî ciwîyayene. Netîceyê nê pêkewtişan de 58 çeteyî ameyî kiştene, xeylî zî birîndar bîyî û 10 wesayîtê zirxinî ameyî îmhakerdene.‘‘