QSD: 31 çeteyî ameyî kiştene

QSD’yî bîlonçaya 24 saetanê peyênan a Xoverdayîşê Anorî eşkera kerde.  Goreyê eşkerayîye 31 çeteyî ameyî kiştene, 20 çeteyî birîndar bîyî û di wesayîtî ameyî îmhakerdene.

Merkezê Çapemenîya Hêzê Sûrîyeya Demokratîke (QSD)  bîlonçaya 24 saetanê peyênan a Xoverdayîşê Anorî eşkera kerde nê detayî pare kerdî:  

Serêkanîyê

''Serêkanîyê  de îşxalkaran hêrişê dewanê Cefa kerd şervanan cewab da înan  6 çeteyî ameyî kiştene û çeteyî peyser ameyî qeldayene. Dewa Elokî zî ameye bombardûmankerdene.

Dêrik

Dêrik de têgêrayîşê endamanê MÎT’î yê xeta sînorî dewam kerd.

Amûdê û Dirbesiyê

Hêzanê ma nêzdîya dewa Kesra de di endamê çeteyanê pabesteyê dewleta Tirkî tepiştî, cipersayîş dewam keno.

Kobanê û Eyn Îsa

Îşxalkaran bi çekanê giranan hêrişê dewanê Evdikê, Bir Kîno, Qandîrîyê  Cûdeydê kerd. Bi cewabdayîşê hêzanê ma pêkewtişê giranî ameyî ciwîyayene. Pêkewtişan de hemraya ma Amara şehîd bîye. Dewa Evdikê de yew tank û panzarêk ameyî îmhakerdene. 25 çeteyî ameyî kiştene 20 zî birîndar bîyî.

24 saetanê peyênan de 31 çeteyî ameyî kiştene, 20 çeteyî birîndar bîyî û di wesayîtî ameyî îmhakerdene. Hêrişê dewleta Tirkî û çeteyanê ci peyser ameye qeldayene. Xoverdayîş de 3 hemrayê ma şewhîd bîyî  4 hemrayê ma zî birîndar bîyî.‘‘