Merkezê Îrtîbat û Çapemenîye yê QSDyî derheqê hêrişê dewleta tirke yê vera Dêrikî eşkerayîye daye û nê vatî:

''Hêrişê çeteyanê DAÎŞî yê vera zîndanê Hesekê hetê dewleta tirke ra ame plankerdene û paştdayene. Nê hêrişî hetê hêzanê ma û paştdayîşê şaranê herême ame pûçvetene.  Serrgêra xelisnayîşê Kobanê de şar û hêzanê ma darbeyo bîn da dewleta tirke û çeteyanê ci ro. Reyna hêrişê ke bi hewayêkê hemwextî vera Til Temir û Eyn Îsayî ameyî kerdene ê zî pûç ameyî vetene.

Dewleta tirke ya ke nê hêrişan ra tiway dest nêfîna  1ê sibate de bi teyaranê şerî hêrişê sentralê elektrîkî yê Gir Kendaî yo ke nizdê dewa Teqil Beqilî ya Dêrikî de yo kerd. Netîceya nê hêrişî de îstasyon rijîya, çar şerwananê ma yê ke îstasyonî pawene şehîd bîyî û panc karkerî birîndar bîyî. Şerwanê ma Siyamend Efrîn, Xemgîn Efrîn, Şiyar Kobanê û  Mihyedîn Dêrik nê hêrişî de şehîd bîyî.

Dewleta tirke merasîmê bi heybetî yê şehîdanê ma yê Hesekê rê tehemul nêkerd. Nê hêrişê dewleta tirke ya îşxalkere bê xebera hêzanê Koalîsyonê Mîyanneteweyî nêameyî kerdene.  Hêriş de dewe, bînayî, karkerî hedef ameyî girewtene. Dewleta tirke bi bêvengîya hêzanê Koalîsyonê Mîyanneteweyî kena ke hêrişan meşrû bikero. Ma sey QSDyî vera nê hêrişan do bêveng memanê û hesabê hêrişan û bêxemîya vera hêrişan bipersê."