Hêzanê Sûrîyeya Demokratîke (QSD) bîlançoya şeş rojan a Operasyonê Birûska Cizîrê eşkera kerde.

Bîlanço wîna ya:

''Roja 2. ya operasyonî de herêmanê Hol û Til Hemîsî de 52 çeteyê DAÎŞî ameyî tepiştene.

Roja 3. de dewanê Til Hemîsî de 32 çeteyî ameyî tepiştene. Înan ra  3 çeteyî lîsteyê gêrayîşî de ca genê.

Roja 4. ya operasyonî de 40 çeteyî ameyî tepiştene ke mîyanê înan de êyê ke hêrişanê terorî kenê, çeteyan kenê pêser, çeke peyda kenê, paştî danê hucreyanê çeteyan û cephane peyda kenê est ê.

Roja 5. ya operasyonî de dewanê Simêha û Ete yê Til Birakî de operasyonê cigêrayîş-pakkerdişî de bi şikê paştdayîşê hucreyanê DAÎŞî 3 kesî ameyî tepiştene. Hêzanê operasyonî qezaya Holî de vera hucreyanê çeteyan operasyon kerd. 11 çete-şikdarî yê ke engişta înan remnayîşê merdimanê çeteyan ê Kampa Holî de est a, amyeî tepiştene.

Roja 6. de warê operasyonî ame hîrakerdene û herêma sînorî ya Sûrîye-Iraqî ame tewrkerdene. Na çarçewe de rojhilatê qezaya Holî de 63 kîlometreyî ra zafêr war ame pakkerdene. Hêzanê operasyonî 3 kesê şikdarî tepiştî. Reyna Hesekê ke 4 kesî ameyî tepiştene ke înan sûcê remnayîş, xesp û şantajî kerdêne.''

QSDyî vat operasyon roja 7. de bi hewayêkê baldarî dewam keno.