Merkezê Îrtîbatî û Çapemenîye yê QSDyî derheqê hêrişanê hêzanê rejîmê Baasî yê vera bajarekanê Zîban û Teyanî yê Dêra Zorê de eşkerayîyêke daye. 

Eşkerayîye de ame vatene ke hucreyê rejîmê Baasî û milîsanê Dîfa El Wetanî talanî rê dewam kenê û înan rayîrê serekeyî qefilnayê û hêrişê baregehanê asayîşî û dezgehanê xizmetî kerdo.

QSDyî da zanayene ke armancê hêrişan oyo ke cuya hemwelatîyan rê derbe bêra dayene, alozî û bêîstîkrarî bêrê vilakerdene. QSDyî dîyar kerd ke Hêzê Meclîsê Leşkerî yê Dêra Zorê vera nê hêrişan do cewab bidê û sûcdaran teslîmê edaletî bikerê. 

QSDyî vat ke ê do Hêzanê Koalîsyonê Mîyanneteweyîyî reyde xebatanê xo rê dewam bikerê û îmkan nêdê hucreyan.

QSDyî paştdayîşê şarê Dêra Zorê selam kerd û vat: ''Asayîşê Dêra Zorê xeta ma ya mor a.''