Merkezê Çapemenîya QSDyî bi eşkerayîyêke da zanayene ke artêşa îşxalkere û çeteyanê ci  cayanê sivîlan ser o bombayî varnayî detayê ci pare kerdî:

''6ê çeleyî de îşxalkeran bi hawan û obusan hêrişê dewanê Til Mihemedî û Ing El Hewa kerd. 7ê aşme de zî çeteyan bi çekanê giranan, tanq û obusan hêrişê dewa Til Mihemedî û mewzîyanê Meclisê Leşkerî yê Sûryanîyan kerd. Bi cewabdayîşê Meclîsê Leşkerî pêkewtişî vejîyayî. 8ê çeleyî de artêşa îşxalkere û çeteyanê ci hêrişê dewenê Menaxî û Feysalîyê, mewzîyanê Meclisê Leşkerî yê Sûryanîyan û waranê sivîlan kerd. Pêkewtişan de 3 çeteyî ameyî kiştene. Îşxalkeran  bi çekenê giranan dewê  Hoşan, Xirbit Kerem, Erîdiyê, Elo, Qiz Alî, Xirbet Faris, Dibis û  Ûm El Beramîlî ser o bombayî varnayî. Reyna bi çekena giranan warê sivîlan û rayîrê mîyanneteweyî yê M4î hedef ame girewtene. Hêrişî de sivîlan ziraro madî dî. 8ê çeleyî de çeteyan zaf hetan ra hêrişê dewa Dibisî kerd. Şerwananê QSD û YPJyî  cewab da hêrişan, pêkewtişan de 4 çeteyî ameyî kiştene û hêriş ame şiknayene.''