Merkezê Îrtîbatî û Çapemenîye yê QSDyî keyepelê xo yê înternetî de eşkerayîyêke weşanaye û derheqê têgêrayîşê cerganê dewleta tirke de agahîye daye.

Eşkerayîya QSDyî wina ya:

''Tay çimeyan ra xeylêk raporî ameyî ke cergê Huras El-Dînî yê terorîstî dewanê Kebaşîn û Basûrî yê Efrînî de, cayanê bînan ê cepheyanê şerî de bîyê. Cergê Feyleq El Şamî zî heman wextî de nê dewan ra ameyê vetene.

Heman çimeyan vat ke 300 ra zêdêr cergê Heyet Tehrîr El Şamî dewanê Fafîrtîn û Bazîrê de ca bîyê, verî zî dewanê Basûfan û Şêx Eqîlî yê Efrînî de ca bîyê. Na rewşe kombîyayîşê Îdlîbî yê dewleta tirke û cergan ra dima qewimîyaye.  Terefan kombîyayîş de pêkerd ke cergê Tehrîr El Şamî Heleb de bêrê cakerdene û bi nê hawayî Efrîn, Bab û Cerablus de têgêrayîşê înan rehet bibo.

Dewleta tirke bi nê hawayî cepheyanê şerî de cergan ra kemberê reşî virazena. Hêrişanê muxtemalan de nê cergî do bêrê şuxilnayene.

Dima ke sercergê DAÎŞî Ebû Bekir El-Bexdadî û Ebû Îbrahîm El-Qureyşî herêmanê îşxalkerdeyan ê Tirkîya de kişîyayê, dewleta tirke nê herêmî seba cergan kerdî cayêkê asayîyî.

Seba ke perwerde, fînans û sewqîyatê nê cergan bêrê vindarnayene ganî têgêrayîşêko mîyanneteweyî bêro kerdene.''