Merkezê Çapemenîya QSDyî raporê binpaykerdişê adirbirnayîşî yê dewleta tirke eşkera kerd û nê detayî parê kerdî:

‘‘Artêşa îşxalkere rixmê pêkerdişê adirbirnayîşî hêrişanê xo rê dewam kena. Îşxalkerî 17ê teşrîna verêne ra nate bi çekanê giranan  hêrişê  rojhelatê Sêrekanîyê û rojawanê Girê Sipî kenê. Netîceyê nê hêrişan de xeylêk şerwanê Hêzê Demokratîkî yê Sûrîye (QSD) û Meclîsê Leşkerî yê Sûryanîyan şehîd bîyî. Reyna xeylêk şarê herême mecbur mend ke bar bikero.‘‘

17ê teşrîna verêne ra nata binpaykerdişê bîyî wina ameyî rêzkerdene:

- Vera hêzanêma û mewzîyanê artêşa Sûrîye 143 rey hêrişî ameyî kerdene.

-Bi îHAyan 42 rey hêrişî ameyî kerdene.

-Bi Tanq û obusan herême adirbirnayîşî û cayê sivîlan 147  rey ameyî bombardûmankerdene.

-Rîyê hêrişan ra 68 hemwelatijê sivîlî şehîd bîyî, 241 zî birîndar bîyî.

-Artêşa îşxalkere 88 dewê û deweke yê ke teberê herême pêkerdişî de yê îşxal kerdî û tede çeteyê xo ca kerdî. Nê cayan ra zafê înan xirîstîyanî 64 hezar sivîlan rîyê hêrişan ra bar kerd. Reyna 6 dewê asûran û sûryanîyan  rîyê hêrişan ra ameyî vengkerdene.‘‘