Merkezê Çapemenîye yê Hêzanê Sûrîyeya Demorkatîke (QSD) derheqê çalakîyanê şermezarkerdişê zêdîyayîşê vaya sotemenî de eşkerayîyêke daye.

Eşkerayîya QSDyî wina ya:

''Ganî bizanîyo ke vurnayîş û serraştkerdişê vaya sotemenî ra dezgeh û sazgehê Îdareyê Xoserî mesuldar ê. Muxatabê waştiş û nêrazîbîyayîşê na mesele zî heman sazgeh û dezgeh ê, QSD nîyo.

QSD aramî û asayîşê herême ra mesuldar o û bi serran seba nê armancî vera DAÎŞî şer kerd. Ganî çalakî û têgêrayîşê girseyî yê winasênî nêbê sebebê bêaramîya herême. Têgêrayîşê tedadarî şarê ma rê fayde nêkenê.

Nê çalakîyan de tay kesî pê çekan hêrişê hêzanê asayîşî yê Şedadî kenê. Ganî şarê ma şîyar bo û bizano ke nê çalakîyî provakasyon ê. Ma venga şarê xo danê ke vera nê çalakîyan şîyar bo, pê nê provakasyonan mexapîyo û çarçewa qanûnan de têbigêro.''